مصفق الوغد1ن
06-30-2008, 12:52 PM
ياوجودي كل ماهبّ نسناس الشمال
وجد من حدّه زمانه على اللي مايبيه
***
وياوجودي كلما اضحيت ثم مال الظلال
لا غفت عيني ولا ذقت شي ٍ مشتهيه
***
وجد من قفّى وهو في رجا كلمة تعال
وإلتفت من عقب ماقفى ولاأحد ٍ لدّ فيه
***
وياعذابي لادنا الليل من روس الجبال
وانتهى يوم ٍ من العمر ماعاد أرتجيه
***
وأنتي أبعد من سما الحلم و وصالك محال
يابعد من هلّ دمعي ضحى الفرقا عليه
ياغناتي لاتحسبين دمعي يوم سال
ضعف ولاّ خوف... ولاّ كذا ولاّ كذيه
***
والله إني من رجالٍ يضدّون الرجال
لكن الحظّ الردي ..ساق دمعي كل أبيه
***
ووالله إني كلما دار حوليك الجدال
قمت كنّ الموت يشّر على قبري بديه
***
ووالله ان قد لي وأنا أصّد لا جالك مجال
صدّة اللي تضايق تذكّر قبر أخيه
***
ومن سألني قلت مدري.. وإذا عاد السؤال
قلت له تكفى سؤالك ترى ماهو وجيه
***
وش تبيني أقول عن من ترى ذبحي حلال؟
والخطا منها عليّ ..صرت أحبه وأهتويه
***
عذرها لو ماتعذّر مثل واضرب مثال
واحدٍ مايعرف الحرّ الأشقر يشتويه
***
وان رجعنا للتواصيف لله الكمال
لا انتهى ليل المزايين جاتك تبتديه
كنّها غفل ٍ مع البدو طاويها الحيال
مايميّز وصفها الا نبيه ٍ من نبيه
***
وآهنى اللي وصلها وذاق من الزلال
شربة مع غفلة الناس من فيها لفيه
***
ياأول أحلام الطفولة على حدّ الخيال
الرجى باللي حمى البيت من حملة بريه
***
حال دونك سيف عنتر وتاسع حول حال
باثر حولٍ حال دونك وانا ادعي هيه هيه
***
هيه ياللي غرّك الحسن وأطغاك الجمال
والله أني أموت ماشفت لأوصافك شبيه
***
لو يسام الحسن والتيه بجنيه وريال
مابقى في سوق غيرك ريال ولا جنيه
***
كيف أهدّك للمقادير وأنتي راس مال؟؟
راس مال ومال ..والمال مايعطى السفيه
***
حافظك حفظي لعيني ورمشي لك حلال
وانتي تشحّين بالما ..وأنا شفّي مويه
***
شايف ظلمك وساكت وطال الليل طال
لانويتي طعن قلبي وانا ماقلت ليه
***
لو بقى للهيل صبر ٍ على فوح الدلال
مابقى للهيل صبر ٍ على شي ٍيجيه
***
وانتي تسوقين عقلي على حدّ الهبال
تحسبين ان من بغى شي..يقدر يشتريه
***
ولاّ انا يا وجد حالي وجود ٍ مايقال
وجد من ضحّى بغاليه لرضا والديه
***
وياوجودي بأول العمر قبل ألبس عقال
وجد من باع آخر العمر ..في رغبة ذويه
***
وياوجودي كل ماهبّ صوتك من شمال
وجد من حدّه زمانه على اللي مايبيه
هذه القصيدة للشاعر : ضيدان بن قضعان
اتمنى تعجبكم :)
وجد من حدّه زمانه على اللي مايبيه
***
وياوجودي كلما اضحيت ثم مال الظلال
لا غفت عيني ولا ذقت شي ٍ مشتهيه
***
وجد من قفّى وهو في رجا كلمة تعال
وإلتفت من عقب ماقفى ولاأحد ٍ لدّ فيه
***
وياعذابي لادنا الليل من روس الجبال
وانتهى يوم ٍ من العمر ماعاد أرتجيه
***
وأنتي أبعد من سما الحلم و وصالك محال
يابعد من هلّ دمعي ضحى الفرقا عليه
ياغناتي لاتحسبين دمعي يوم سال
ضعف ولاّ خوف... ولاّ كذا ولاّ كذيه
***
والله إني من رجالٍ يضدّون الرجال
لكن الحظّ الردي ..ساق دمعي كل أبيه
***
ووالله إني كلما دار حوليك الجدال
قمت كنّ الموت يشّر على قبري بديه
***
ووالله ان قد لي وأنا أصّد لا جالك مجال
صدّة اللي تضايق تذكّر قبر أخيه
***
ومن سألني قلت مدري.. وإذا عاد السؤال
قلت له تكفى سؤالك ترى ماهو وجيه
***
وش تبيني أقول عن من ترى ذبحي حلال؟
والخطا منها عليّ ..صرت أحبه وأهتويه
***
عذرها لو ماتعذّر مثل واضرب مثال
واحدٍ مايعرف الحرّ الأشقر يشتويه
***
وان رجعنا للتواصيف لله الكمال
لا انتهى ليل المزايين جاتك تبتديه
كنّها غفل ٍ مع البدو طاويها الحيال
مايميّز وصفها الا نبيه ٍ من نبيه
***
وآهنى اللي وصلها وذاق من الزلال
شربة مع غفلة الناس من فيها لفيه
***
ياأول أحلام الطفولة على حدّ الخيال
الرجى باللي حمى البيت من حملة بريه
***
حال دونك سيف عنتر وتاسع حول حال
باثر حولٍ حال دونك وانا ادعي هيه هيه
***
هيه ياللي غرّك الحسن وأطغاك الجمال
والله أني أموت ماشفت لأوصافك شبيه
***
لو يسام الحسن والتيه بجنيه وريال
مابقى في سوق غيرك ريال ولا جنيه
***
كيف أهدّك للمقادير وأنتي راس مال؟؟
راس مال ومال ..والمال مايعطى السفيه
***
حافظك حفظي لعيني ورمشي لك حلال
وانتي تشحّين بالما ..وأنا شفّي مويه
***
شايف ظلمك وساكت وطال الليل طال
لانويتي طعن قلبي وانا ماقلت ليه
***
لو بقى للهيل صبر ٍ على فوح الدلال
مابقى للهيل صبر ٍ على شي ٍيجيه
***
وانتي تسوقين عقلي على حدّ الهبال
تحسبين ان من بغى شي..يقدر يشتريه
***
ولاّ انا يا وجد حالي وجود ٍ مايقال
وجد من ضحّى بغاليه لرضا والديه
***
وياوجودي بأول العمر قبل ألبس عقال
وجد من باع آخر العمر ..في رغبة ذويه
***
وياوجودي كل ماهبّ صوتك من شمال
وجد من حدّه زمانه على اللي مايبيه
هذه القصيدة للشاعر : ضيدان بن قضعان
اتمنى تعجبكم :)